جكليته

-------------------------

يمته انه فاركت الجرح---توّه الجرح داويته

هلهل يشامت ونسعد---- من فاركت جكليته

------------------------------------

جكليته عافتني ومشت---تتونّس وبيه النار

عافتني للهم والحزن---ماتدري بحوالي شصار

حاير ودير عوينتي---والله يعين المحتار

هاي اول ايام البعد---ياخوفي من تاليته

--------------------

ياخوفي يم علاوي---من تالي البعد

ياذيني وكليبي ---بغيابج ينمرد

من شوفتج كلمن---عليه هم ينسعد

والبي وجع تبره ----وترد عافيته

---------------------

يبره اليشوفج يم علي---ورويحته ترد اعليه

وشوفي اشيصير الفاركج---دولابه من يفتر بيه

هم يخطر ابالج وكت---من رحتي عنه وعفتيه

وهم رسمه بعيونج يمر ---لوعد هله مخليته

-----------------------

تعبن اصابيعي وحك---عينج بالحساب وياي

احسب وجسّر وشتبه ---ورجع وكولن بس هاي

عطشان الج كلبي وفحط---وبجفج اعيون الماي

لاهو يموت وينتهي---ولا انتي المروّيته

وشكرا

منقول

شكرا لمرورك اخي المدير